ដោយ ហាស់ សាន
2008-05-01
គណៈប្រតិភូ នៃសហព័ន្ធខ្មែរកម្ពុជាក្រោម ៤រូប បានស្វែងជួបពិភាក្សាអំពីរឿងខ្មែរក្រោមជាមួយមន្រ្តីអាមេរិកាំង និង មន្រ្តីទូតនៃស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំ សហរដ្ឋអាមេរិកនៅរដ្ឋធានីវ៉ាស៊ិនតោន ។
គណៈប្រតិភូដែលមានលោក ប្រាក់ សិរីវុឌ្ឍ អនុប្រធានសហព័ន្ធទទួលបន្ទុកកិច្ចការអន្តរជាតិ លោក ម៉ាន់ រឺន លោក យ៉ាប់ ត្រាន់ និង លោក ថាច់ ឡានី បានជួបនឹងមន្រ្តីក្នុងការិយាល័យអ្នកតំណាងរាស្រ្តអាមេរិកាំងជាច្រើន រូប រួមនឹងឯកអគ្គរាជទូត ឯក សិរីវឌ្ឍ ផង ដើម្បីស្នើឲ្យជួយដោះស្រាយបញ្ហាទាក់ទងនឹងខ្មែរកម្ពុជាក្រោម មានដូចជា ការចាប់ផ្សឹកព្រះគ្រូចៅអធិការវត្តភ្នំដិន ទឹម សាខន និង ការធ្វើគតព្រះតេជគុណ អ៊ាង សុខធឿន ជាដើម ។
ក្នុងលិខិតអំពាវនាវសូមឲ្យជួយ ចុះថ្ងៃទី ៣០ មេសា គណៈប្រតិភូ ក៏បានទទូចដល់មេដឹកនាំខ្មែរជាន់ខ្ពស់ផងដែរ មានដូចជា នាយករដ្ឋមន្រ្តី និង ភរិយា ព្រះមហាក្សត្រ អតីតព្រះមហាវីរក្សត្រ និង សម្តេចព្រះអគ្គមហេសី ជាដើម ៕
ប្រភព៖ http://www.rfa.org/khmer/news/khmer_krom_meeting_in_us-05012008054858.html
